VEDTEKTER FOR SORPEROA BARNEHAGE

Sorperoa barnehage eiges av Sorperoa barnehage AS som drives av Nina Wilhelmsen Solli, Jan – Roger Myrvold og Ole- Henning Solli. Barnehagen ligg i Rådyrvegen 17, i Sorperoa på Vinstra.

FORMÅL / VERDIAR

Målet i barnehagen er at barnehagen skal vere ein arena for både tilrettelagde og frie
aktivitetar og leik for barn. Der vi tek vare på barna sin fantasi, leik, kreativitet og glede. Vi legg stor vekt på nærmiljøet og uteliv. 

Barnehagelova § 1:
Barnehagen skal i samarbeid og forståing med heimen ivareta barnas behov for omsorg og lek, og fremme læring og danning som grunnlag for allsidig utvikling. Barnehagen skal bygge på grunnleggande verdiar i kristen og humanistisk arv og tradisjon, slik som respekt for menneskeverdet og naturen, på åndsfridom, nestekjærleik, tilgjeving, likeverd og solidaritet, verdiar som kommer til uttrykk i ulike religionar og livssyn og som er forankra i menneskerettighetane. Barna skal få utfolde skaparglede, undring og utforskartrong. Dei skal lære å ta vare på seg sjølv, kvarandre og naturen. Barna skal utvikle grunnleggande kunnskapar og ferdigheiter. Dei skal ha rett til medverking tilpassa alder og forutsetningar.

Barnehagen skal møte barna med tillit og respekt, og anerkjenne barndommens eigenverdi. Den skal bidra til trivsel og glede i lek og læring, og være et utfordrande og trygt sted for fellesskap og vennskap. Barnehagen skal fremme demokrati og likestilling og motarbeide alle former for diskriminering. 

SAMARBEIDSUTVAL

Kvar barnehage skal i fylgje barnehagelova §4 ha eit samarbeidsutval der foreldre/føresette, eigar og tilsette er likt representert.

OM BARNEHAGEPLASSEN 
Søknadsfristen er 1.Mars for tildelingar med oppstart frå uke 33 ( nytt barnehageår ) og fristen er 1.September for oppstart 1.januar.  Barn som blir tildelt plass i privat eller kommunal barnehage, vil ha barnehageplassen fram til og med 14. august det året dei startar på skulen. Maksimal opphaldstid pr. dag er 9,5 time. Det blir tildelt plass for 3, 4 eller 5 dagar. Om det er ynskje om endring av plassen som t.d. endring av opphaldstid / overflytting til anna barnehage, så blir det behandla i forkant av ordinært hovudopptak som er 1. mars. Barna skal ha ferie i minst 5 veker i løpet av barnehageåret. Tre veker blir avvikla når barnehagen har stengt på sommaren. Planleggingsdagar, fem i året, kan reknast som den femte ferieveka og dagar barnehagen er stengt i samband med jul og påske kan reknast som ferie. 

OPNINGSTIDER 

Barnehageåret startar 15. august. Barnehagen er ope kl. 07.00 – 16.30 dagleg, frå måndag til fredag. Utanom heilagdagar, er barnehagen stengd: 5 kurs og - planleggingsdagar i året,
F.o.m. 24. des. t.o.m. 1. jan. og f.o.m. måndag etter palmesøndag t.o.m 2. påskedag. Samt tre veker på sommaren: 29, 30 og 31.

ALDER

0 – 6 år.

SJUKDOM 

Ved sjukdom refunderast ikkje foreldrebetaling eller kostpengar. Ved sjukdom må barnet haldast heime av omsyn til dykk sjølv og dei andre barna. 

OPPTAK 

Det blir gjort eit samordna hovudopptak ein gong i året (vårhalvåret) til dei private og kommunale barnehagane, jfr. barnehagelova § 17. I tillegg blir det gjort eit samordna opptak med plassar tildelt frå 1. januar. Det blir i tillegg gjort fortløpande tildeling av barnehageplassar så langt det er plass. Søkjarar utanom fastsette søknadsdatoar kan få tildelt plass to månader etter søknaden er sendt inn dersom barnehagen har kapasitet. Søknadane vil bli behandla etter reglane i barnehagelova og forskrift om saksbehandlingsregler ved opptak til barnehage. Det blir ikkje teke inn nye barn med oppstartsdato frå 15.5 i eit barnehageår. Barnehageeigar gjer opptak i samarbeid med dei kommunale barnehagane. 

OPPTAKSKRETS

Barnehagens opptakskrets omfattar barn buande i Nord-Fron kommune, dersom det er ledig kapasitet kan også barn buande utanfor opptakskretsen få tilbod om plass.

RETT TIL PLASS I BARNEHAGE

Barnehagelova § 16 «rett til plass i barnehage» «Barn som fyller eitt år seinast innan utgangen av august det året det vert søkt om barnehageplass, har etter søknad rett til å få plass i barnehage frå august i samsvar med denne lova med forskrifter. Barn som fyller eitt år i september, oktober eller november det året det søkast om barnehageplass, har etter søknad rett til å få plass i barnehage innan utgangen av den månaden barnet fyller eitt år i samsvar med denne lova med forskrifter. Barnet har rett til plass i barnehage i den kommunen der det er busett. Søknadsfrist til opptaket fastsettast av kommunen». I Nord-Fron har alle barn rett til barnehageplass, uavhengig av når på året dei er født. Denne lokale retten til plass gjeld ved hovudopptaket. Ved fortløpande tildelingar skal denne lokale retten vere eit mål inntil kapasiteten i barnehagane er nådd. Kapasiteten til barnehagane er definert i godkjenninga av desse, og fortel kor mange plassar kvar barnehage har.

KLAGERETT

Det er klagerett etter § 6 i forskrift av saksbehandlingsregler ved opptak i barnehage. Det er ulik klagerett på vedtak gjort ved hovudopptaket og vedtak utanom hovudopptaket (supplerande opptak). Ved hovudopptaket kan søkjar klage dersom fyrste eller andre ynskje om barnehage er oppfylt. Ved supplerande opptak er det berre dei med lovfesta rett til prioritet etter barnehageloven § 18 som kan klage dersom dei ikkje blir tilbydd plass i aktuell barnehage. 

OPPSEIING AV PLASS 

Oppseiing av barnehageplass er ein, 1, månad, rekna frå den 1. i den påfølgande månaden. Oppseiing blir gjort i føresettportalen til Visma Flyt Barnehage. Opphald (også enkelt dagar) som blir avslutta etter 1.mai blir rekna som utvida ferie og må betalast ut barnehageåret. Dersom opphaldet til barnet (også enkelt dagar) skal endrast for månadane mai, juni og juli, må søknad om dette vere motteke seinast 1. april. 

PERMISJON

Føresette kan søke permisjon frå barnehageplassen. Fritak frå betaling blir vurdert etter søknad. Permisjon for å utsette oppstart gir ikkje betalingsfri. Søknad om permisjon må sendast skriftleg til styrar ein månad før aktuell permisjonsperiode. Barnehageeigar avgjer om permisjonen blir innvilga. 

FORELDREBETALING 

Kommunestyret fastsett satsane for foreldrebetalinga. Eventuelle endringar vil til vanleg gjelde frå 1. januar kvart år. Betalinga skjer på etterskott for kvar månad. I tillegg til betalingssatsane blir det kravd kostpengar som skal dekke dei reelle matutgiftene. Det skal betalast for elleve månader i året – august er betalingsfri. Feriefråvær ut over 5 veker gir ikkje fritak for betaling. Betalingsfrist er den 30. i kvar månad. Oversikt over betalingssatsane og endringar blir sendt ut på e-post. Når to fakturaer for plass i barnehagen ikkje er betalt, tek barnehageeigar skriftleg og/eller munnleg kontakt med foreldre/føresette med varsel om mogleg oppseiing av plass for barnet i barnehagen eller inngåing av nedbetalingsavtale. Med tre ubetalte fakturaer for plass i barnehage, mista barnet plassen sin. Ved henting av barnet etter stengetid, (kl. 16.30) utan varsel og grunn, må ein betale kr. 300,-. Dette kjem i tillegg på den månadlege fakturaen. 

FORSIKRING

Barna i barnehagen er dekt av kollektiv ulykkesforsikring for barn. Dette gjeld personskadar på direkte veg til/frå barnehagen og heim, innafor barnehageområdet og på turar arrangert av barnehagen i opphaldstida, samt arrangement i regi av FAU. Forsikringa dekkjer ikkje skade på ting som f.eks. briller, vogn og klede.

GJELDANDE FORSKRIFTER

For dei tilsette i barnehagen gjeld reglane om teieplikt i forvaltningslova §13/barnehagelova § 44 og krav om å levere politiattest jf. barnehagelova § 30. Dei tilsette må forplikte seg til å arbeide i samsvar med barnehagen sine vedtekter og gjeldande instruksar. Barnehagelova § 45 og § 46 pålegg alle tilsette i barnehagar opplysningsplikt (meldeplikta er personleg og inngår i denne) til sosialtenesta og barnevernstenesta. 

INTERNKONTROLL

Det blir gjennomført internkontroll slik barnehagelova § 9 stiller krav om. Styrar er delegert ansvaret for dette. 

LEIKE – OPPHALDSAREAL 

Ved fastsetting av arealutnyttinga i barnehagen byggjar vi på dei rettleiande normene som departementet har gitt for leike– og opphaldsareala innadørs og utadørs. Rettleiande norm for inneareal er 4m2 netto per born over tre år, og omtrent 1/3 meir pr born under tre år. Rettleiande norm for uteareal er omtrent 6 gonger leke – og opphaldsarealet inne.